کراچی میں چپ تعزیہ کے مذہبی جلوس کے موقع پر سیکیورٹی انتظامات کی وجہ سے گرین لائن بس سروس آج بند رہے گی۔

ترجمان بی آر ٹی ایس کے مطابق بی آر ٹی ایس اورنج لائن بس سروس معمول کے شیڈول کے مطابق آپریشنل رہے گی۔

گرین لائن بس سروس کا آپریشن 6 اکتوبر کو معمول کے مطابق دوبارہ شروع کر دیا جائے گا۔

واضح رہے کہ سندھ بھر میں موٹرسائیکل کی ڈبل سواری پر پابندی کے احکامات بھی جاری کیے گئے ہیں۔

اس حوالے سے جاری کردہ نوٹیفکیشن کے مطابق کراچی کے ضلع جنوبی اور شرقی میں 8 اور 12 ربیع الاوّل کو ڈبل سواری پر پابندی ہوگی۔

اس کے علاوہ ضلع وسطی میں 11 اور 12 ربیع الاوّل کو ڈبل سواری پر پابندی ہوگی، ضلع غربی میں 12 ربیع الاوّل کو ڈبل سواری پر پابندی ہوگی۔