کراچی کے علاقے بلدیہ ٹاؤن کے یوسف گوٹھ میں 60 لاکھ روپے سے زائد کے بجلی کے بل کی عدم ادائیگی پر کے الیکٹرک کی جانب سے پی ایم ٹی اتارے جانے کے بعد شہریوں نے احتجاج شروع کر دیا جو کئی گھنٹے سے جاری ہے۔

پولیس کے مطابق کے الیکٹرک نے یوسف گوٹھ کی پی ایم ٹی بل کی عدم ادائیگی پر اتار دی، جس پر علاقہ مکینوں نے احتجاج شروع کر دیا۔

مظاہرین میں یوسف گوٹھ کے قریب حب ریور روڈ اور ناردرن بائی پاس کو ٹریفک کے لیے بند کر دیا۔

مکینوں کا کہنا ہے کہ علاقے میں بجلی بحال ہو گی تو دھرنا ختم کریں گے۔

کے الیکٹرک حکام کے مطابق بل کی ادائیگی کے بغیر بجلی فراہم نہیں کر سکتے۔

احتجاج کے باعث حب ریور روڈ پر گاڑیوں کی طویل قطاریں لگ گئی ہیں، سینکروں کنٹینر، ٹرک، بسیں اور گاڑیاں ٹریفک جام میں پھنسی ہوئی ہیں۔

پولیس کی بھاری نفری حب ریور روڈ پر موجود ہے، تاہم انتظامیہ کا کوئی اہلکار موقع پر نہیں۔

ٹریفک پولیس کے مطابق بلوچستان آنے اور جانے والے ٹریفک کو متبادل راستوں پر بھیجا جا رہا ہے۔



Leave a Reply

Your email address will not be published.