وزیراعظم شہباز شریف نے تمام سرکاری اداروں اور ملازمین کی کاوشوں کو سراہتے ہوئے کہا کہ تمام اداروں نے بڑے پیمانے پر تباہ شدہ انفرااسٹرکچر کو بحال کیا ہے۔

ان کا کہنا ہے کہ سیلاب کے باعث ملک بھر میں بڑے پیمانے پر تباہی ہوئی ہے، بلوچستان، سندھ اور خیبر پختونخوا میں بجلی کے نظام کو شدید نقصان پہنچا ہے۔

تاہم سیلاب زدہ علاقوں میں ضروری سروسز کی بحالی کے لیے بڑے پیمانے پر قومی کوششیں جاری ہیں۔

این ایچ اے، ڈسکوز، پی ٹی اے اور دیگر وفاقی محکموں نے مشکلات کے باوجود بہترین کام کیا ہے اور بڑے پیمانے پر تباہ شدہ انفرااسٹرکچر کو بحال کیا۔

انہوں نے سیکرٹری پاور ڈویژن راشد لنگڑیال اور ان کی ٹیم کو مبارکباد دیتے ہوئے مزید کہا کہ متاثرہ علاقوں میں بجلی کی فراہمی یقیناً ایک بہت بڑا چیلنج تھا لیکن انہوں نے دن رات محنت کرکے بجلی کی بحالی کو یقینی بنایا۔