محکمہ موسمیات کا کہنا ہے کہ شمال مشرقی بحیرہ عرب میں موجود ڈپریشن 8 گھنٹوں سے مغرب اور جنوب مغرب کی جانب بڑھ رہا ہے۔ 

محکمہ موسمیات کے مطابق سسٹم کے مرکز میں ہواؤں کی رفتار 45 سے 55 کلومیٹر فی گھنٹہ ہے۔ ڈپریشن کراچی کے جنوب مغرب سے 330 کلومیٹر دور ہے۔ 

محکمہ موسمیات کے مطابق سسٹم ٹھٹھہ سے 370 کلومیٹر کے فاصلے پر ہے۔ جبکہ یہ اورماڑہ کے جنوب میں 290 کلومیٹر دور ہے۔ 

محکمہ موسمیات کے مطابق سسٹم مزید مغرب اور شمال مغرب کی جانب رہے گا۔ پاکستان کے ساحلی علاقوں کو اس سسٹم سے فی الحال کوئی خطرہ نہیں۔

محکمہ موسمیات کا مزید کہنا ہے کہ اس سسٹم کے زیر اثر آئندہ تین روز کے دوران سمندر میں شدید طغیانی رہے گی۔ سندھ کے ماہی گیر 14 اگست تک گہرے سمندر میں نہ جائیں۔ بلوچستان کے ماہی گیر بھی مزید احتیاطی تدابیر اختیار کریں۔ جبکہ تمام متعلقہ ادارے الرٹ رہیں۔ 



Leave a Reply

Your email address will not be published.