وزیراعظم شہباز شریف کی جانب سے ملکہ برطانیہ الزبتھ دوم کے انتقال پر برطانوی وزیراعظم لز ٹرس کو تعزیتی خط لکھا گیا ہے۔

وزیراعظم شہبازشریف نے برطانوی وزیراعظم اور شاہی خاندان سے ملکہ الزبتھ دوم کے انتقال پر افسوس کا اظہار کیا ہے۔

برطانوی ہم منصب کو لکھے گئے خط میں شہباز شریف نے کہا ہے کہ مجھ سمیت پوری پاکستانی قوم کی ہمدردیاں برطانوی شاہی خاندان، برطانوی حکومت اور عوام کے ساتھ ہیں۔

خط میں وزیراعظم شہباز شریف نے کہا ہے کہ الزبتھ دوم نے بحیثیت ملکہ برطانیہ پر سب سے طویل مدت تک حکمرانی کی، الزبتھ دوم نے یونائیٹڈ کنگڈم اور دنیا بھرمیں مثبت تبدیلیوں میں کلیدی کرداد ادا کیا۔

وزیراعظم کا کہنا ہے کہ ملکہ الزبتھ کی شخصیت یو کے اور دنیا بھر کے لوگوں کے لیے اتحاد اور اخوّت کا نشان بنی، ملکہ الزبتھ دوم کے لیے پاکستانی عوام کے ہمیشہ احترام کے جذبات رہے ہیں۔