عام انتخابات میں 4 دن باقی ہیں اور سیاسی جماعتیں انتخابی مہم میں مصروف ہیں۔

پاکستان پیپلز پارٹی آج حیدر آباد میں پاور شو کرے گی، جلسے سے پارٹی چیئرمین بلاول بھٹو خطاب کریں گے۔

کرک میں جیل چوک پر جمعیت علمائے اسلام کے تحت جلسہ ہو گا جس میں مولانا فضل الرحمٰن خطاب کریں گے۔

میر پور خاص میں ایم کیو ایم کے جلسے سے پارٹی رہنما خالد مقبول صدیقی سمیت دیگر قائدین خطاب کریں گے۔

رحیم یار خان میں پیپلز پارٹی کے تحت عوامی اجتماع ہو گا جس سے پارٹی رہنما آصفہ بھٹو سمیت دیگر رہنما خطاب کریں گے۔

صوابی کے حلقے این اے 19 میں کارنر میٹنگ سے پی ٹی آئی رہنما اسد قیصر خطاب کریں گے۔

صوابی کے حلقے پی کے 50 میں اے این پی کے تحت جلسہ ہو گا، جس سے پارٹی رہنما سردار حسین بابک اور امیر حیدر ہوتی خطاب کریں گے۔

ملتان میں آئی پی پی کے سربراہ جہانگیر ترین آج دن میں پریس کانفرنس کریں گے۔

سکھر میںں پیپلز پارٹی کے تحت جلسے سے خورشید شاہ خطاب کریں گے۔

خوشاب میں جماعتِ اسلامی آج دارالاسلام چوک میں جلسہ کرے گی جس میں سراج الحق ٹیلی فونک خطاب کریں گے۔

دوسری جانب ترجمان جماعتِ اسلامی قیصر شریف کا کہنا ہے کہ امیرِ جماعت اسلامی سراج الحق آج لیاقت باغ راولپنڈی اور اسلام آباد میں جلسوں سے خطاب کریں گے۔

 قیصر شریف نے یہ بھی بتایا ہے کہ سراج الحق کل (5 فروری کو) لاہور میں یک جہتیٔ کشمیر و غزہ جلسے سے خطاب کریں گے۔