[ad_1]
![ڈی جی رینجرز سندھ میجر جنرل اظہر وقاص، فائل فوٹو](https://jang.com.pk/assets/uploads/updates/2023-10-22/1281253_4181966_5_updates.jpg)
ڈی جی رینجرز سندھ میجر جنرل اظہر وقاص نے نوری آباد ایگزیکٹیو کلب آف ٹریڈ اینڈ انڈسٹری کا دورہ کیا۔
ترجمان رینجرز کے مطابق صدر نوری آباد ایگزیکٹیو کلب اور اراکین نے ڈی جی رینجرز میجر جنرل اظہر وقاص کا استقبال کیا۔
ترجمان رینجرز نے بتایا کہ ڈی جی رینجرز سندھ نے کلب کے اراکین سے ملاقات کی۔
اس موقع پر میجر جنرل اظہر وقاص نے کہا کہ کراچی پاکستان کا معاشی حب ہے اور تاجر برادری کا ملکی ترقی میں کلیدی کردار ہے۔
اُنہوں نے کہا کہ نوری آباد اور دیگر انڈسٹریل ایریاز میں سیکیورٹی کو مزید مؤثر بنایا جا رہا ہے۔
میجر جنرل اظہر وقاص نے کراچی کے صنعتکاروں کو بلاخوف و خطر کاروباری سرگرمیاں جاری رکھنے کو کہا اور ساتھ ہی علاقے کے سیکٹر کمانڈر کو کاروباری افراد کو درپیش مسائل حل کرنے کی ہدایات دی۔
ترجمان رینجرز کے مطابق کاروباری شخصیات نے کراچی میں امن و امان پر قانون نافذ کرنے والے اداروں کی خدمات کو سراہا۔
[ad_2]