[ad_1]
![اٹک جیل—فائل فوٹو](https://jang.com.pk/assets/uploads/updates/2023-09-13/1268189_5073026_attock-jail_updates.jpg)
آفیشل سیکرٹ ایکٹ کے لیے قائم خصوصی عدالت نے سائفر کیس میں آج کی سماعت کا تفصیلی فیصلہ تحریر کر دیا جس میں کہا گیا ہے کہ چیئرمین پی ٹی آئی نے اٹک جیل میں خود کے محفوظ ہونے کا بتایا ہے۔
جج ابوالحسنات ذوالقرنین نے 4 صفحات پر مشتمل آج کی سماعت کا تفصیلی فیصلہ تحریر کیا ہے۔
عدالت نے اپنے تفصیلی فیصلے میں کہا ہے کہ وزارتِ قانون نے چیئرمین پی ٹی آئی کے خلاف اٹک جیل میں سماعت مقرر کرنے کا نوٹیفکیشن جاری کیا۔
تفصیلی فیصلے میں عدالت کا کہنا ہے کہ سیکرٹ ایکٹ عدالت نے چیئرمین پی ٹی آئی سے اٹک جیل حکام کے رویے سے متعلق سوال کیا۔
خصوصی عدالت نے تحریری تفصیلی فیصلے میں کہا ہے کہ عدالت نے چیئرمین پی ٹی آئی سے جیل میں مشکلات یا شکایت کے بارے میں سوال کیا۔
عدالت نے تفصیلی فیصلے میں کہا ہے کہ چیئرمین پی ٹی آئی نے اٹک جیل میں جیل حکام کے رویے پر اطمینان کا اظہار کیا ہے۔
تفصیلی فیصلے میں عدالت کا کہنا ہے کہ چیئرمین پی ٹی آئی نے اٹک جیل میں خود کے محفوظ ہونے کا بھی بتایا ہے۔
[ad_2]