پاکستان کے ایئر پورٹ پر سیکیورٹی کو انتہائی مؤثر بنانے کے لیے برطانوی سیکیورٹی ادارے ڈیپارٹمنٹ فار سیکیورٹی کی جانب سے جدید اسکیننگ مشینیں فراہم کی جا رہی ہیں۔

سی اے اے ذرائع کے مطابق جدید مشینیں کراچی اور لاہور ایئر پورٹس پر سیکیورٹی کو مؤثر بنانے کے لیے دی جا رہی ہیں۔

ذرائع کے مطابق اسکیننگ مشینیں مسافروں اور سامان کے ساتھ نقصان دہ آلات اور بارودی مواد کو جانچنے کی صلاحیت رکھتی ہے، مشینیں برطانوی ڈیپارٹمنٹ فار سیکیورٹی کی جانب سے سول ایوی ایشن اتھارٹی کو تحفے میں دی جائے گی۔

مشینری کی تنصیب کا مقصد برطانیہ سے آنے والے مسافروں اور ان کے سامان کی جدید طرز پر چیکنگ کرنا ہے۔

ذرائع سول ایوی ایشن کا کہنا ہے کہ یہ ٹیکنالوجی بعد اذاں دیگر ایئر پورٹس پر سول ایوی ایشن کو فراہم کی جائیں گی۔