چیئرمین پاکستان تحریک انصاف (پی ٹی آئی) عمران خان کی مبینہ بیٹی ٹیریان وائٹ کو ظاہر نہ کرنے پر نااہلی کیس میں پیشرفت ہوئی ہے۔

اسلام آباد ہائیکورٹ میں عمران خان کے خلاف نئی دستاویزات جمع کرانے کی درخواست دائر کردی گئی۔

دستاویزات میں عمران خان کی 7 نشستوں سے ضمنی الیکشن میں کامیابی کا نوٹیفکیشن بھی شامل ہے۔

پی ٹی آئی چیئرمین نے موقف اپنایا تھا کہ وہ اب اسمبلی کی سیٹ چھوڑ چکے ہیں، انہوں نے محض رکن اسمبلی نہ ہونے پر درخواست خارج کرنے کی استدعا کی تھی۔

نئی دستاویزات سے متعلق درخواست میں عمران خان کے خلاف ٹیریان وائٹ کیس سے متعلق پرانے فیصلے بھی شامل کیے گئے ہیں۔

عدالت عالیہ اسلام آباد کا لارجر بینچ کل عمران خان نااہلی کیس کی سماعت کرے گا۔



Leave a Reply

Your email address will not be published. Required fields are marked *