[ad_1]

فوٹو، اسکرین گریب
فوٹو، اسکرین گریب

عوامی مسلم لیگ کے سربراہ شیخ رشید کو گرفتار ہوئے کئی گھنٹے گزر گئے تاہم ان کی انرجی اب بھی پہلے کی طرح برقرار ہے۔

رات دیر گئے پولیس نے شیخ رشید کو موٹر وے پر قائم نجی ہاؤسنگ سوسائٹی سے گرفتار کیا جس کے بعد انہیں تھانہ آبپارہ منتقل کیا گیاپھر انہیں پولی کلینک اسپتال بھی لےجایا گیا۔

ان مواقع پر شیخ رشید نے پولیس کی موجودگی میں بیانات دیتے ہوئے حکومت پر بھرپور تنقید کی اور اپنا آگے کا لائحہ عمل بھی بتایا۔

شیخ رشید نے 2 موقعوں پر پولیس اہلکار کو دھکے بھی دیے جبکہ ویڈیوز اور تصویرمیں دیکھا جاسکتا ہے کہ وہ تھانہ اور اسپتال کے باہر سگار بھی استعمال کرتے رہے۔

گزشتہ رات سے لے کر اب تک سوشل میڈیا اکاؤنٹ پر شیخ رشید کی ویڈیوز اور تصاویر پوسٹ کی جارہی ہیں۔

واضح رہے کہ شیخ رشید کے خلاف آبپارہ تھانے میں مقدمہ درج ہے۔

ایف آئی آر کے مطابق شیخ رشید نے الزام لگایا ہے کہ آصف زرداری نے عمران خان کو قتل کرانے کے لیے دہشت گردوں کی خدمات حاصل کر لی ہیں، جس کا مقصد آصف زرداری کو بدنام کرنا ہے، شیخ رشید کو گرفتار کر کے تفتیش کی جائے۔



[ad_2]

Leave a Reply

Your email address will not be published. Required fields are marked *