فائل فوٹو

پیپلز پارٹی پنجاب کے پارلیمانی لیڈر حسن مرتضی کا کہنا ہے کہ عمران خان سرپرائز سے اب کمپرومائز پر آگئے ہیں، وہ 26 نومبر کو جلسہ کریں گے اور چلے جائیں گے، جنرل الیکشن میں عمران خان کو آٹے دال کا بھاؤ معلوم ہوجائے گا۔

لاہور میں پریس کانفرنس کرتے ہوئے حسن مرتضی نے کہا کہ یہ ہفتہ سیاست پر بھاری نہیں، آرمی چیف کی تقرری روٹین کا معاملہ ہے۔

انہوں نے کہا کہ ضمنی الیکشن میں عمران خان نہیں جیتے، مسلم لیگ ن ہاری ہے، عمران خان نے 61 جلسے کیے جبکہ ن لیگی قیادت گھر سے ہی نہیں نکلی۔

حسن مرتضی نے کہا کہ ملتان اور کراچی والی سیٹیں جیت کر پیپلز پارٹی نے ثابت کیا ہے کہ عمران خان کو ہرایا جاسکتا ہے۔

پی پی رہنما کا کہنا تھا کہ عمران خان دن کو گالیاں دیتے ہیں اور رات کو بیک ڈور چینل سے مذاکرات کرتے ہیں۔



Leave a Reply

Your email address will not be published. Required fields are marked *