وزیراعظم کے معاون خصوصی عطا تارڑ کا کہنا ہے کہ عمران خان پر حملے کے بعد گرفتار ہونے والے شخص کو ابھی تک کسی عدالت میں پیش نہیں کیا گیا نہ اس کا ریمانڈ لیا گیا۔

کنونشن سے خطاب کرتے ہوئے انہوں نے کہا کہ عمران خان پر حملے کی ایف آئی آر سپریم کورٹ کے حکم پر درج کی گئی، عمران خان کا میڈیکل ایف آئی آر سے پہلے ان کی اپنی مرضی کے اسپتال سے ہوا۔

انہوں نے کہا کہ اس کیس میں جے آئی ٹی چار بار تبدیل ہوچکی کیوں کہ وہ اداروں کو بدنام کرنا چاہتے ہیں۔

عطا تارڑ کا کہنا تھا کہ عمران نیازی اور پنجاب کا سب سے بڑا ڈاکو اس واقعے کی آڑ میں سیاست کو خراب کرنا چاہتے ہیں۔