جنگ فوٹو

کراچی میں سرسید تھانے کی حدود بلال کالونی میں کومبنگ آپریشن کے دوران ڈاکو نے گھر سے پولیس پر فائرنگ کردی جس سے ایس ایچ او شاہد تاج زخمی ہوگیا، ملزم نے فائرنگ کرتے ہوئے فرار ہونے کی کوشش لیکن پولیس کی جوابی فائرنگ سے مارا گیا۔

نیو کراچی سیکٹر 7 اے، بلال کالونی میں سرسید پولیس نے بھاری نفری کے ساتھ علاقے میں سرچ آپریشن کیا۔

گھر گھر تلاشی کے دوران پولیس ایک گھر کی تلاشی کے لیے رکی تو گھر کے اندر سے ڈاکو نے فائرنگ کردی جس سے ایس ایچ او سرسید سب انسپکٹر شاہد تاج ہاتھ پر گولی گولی لگنے سے زخمی ہوگئے،جبکہ ایک اہلکار کے سر کے اوپر سے گولی گزر گئی اور وہ محفوظ رہا۔

اس موقع پر ملزم نے فرار ہونے کی کوشش کی لیکن پولیس کی جوابی فائرنگ سے مارا گیا۔

ہلاک ملزم کی شناخت اعظم کے نام سے ہوئی ہے جو کہ پولیس کو ڈکیتی کی وارداتوں میں مطلوب تھا، ملزم کا کرمنل ریکارڈ چیک کیا جارہا ہے۔



Leave a Reply

Your email address will not be published.