گورنر سندھ کامران ٹیسوری اور وزیرِ اعظم شہباز شریف—فائل فوٹو

گورنر سندھ کامران ٹیسوری نے وزیرِ اعظم میاں محمد شہباز شریف کو خط لکھا ہے۔

گورنرہاؤس کےترجمان کے مطابق وزیرِ اعظم کو لکھے گئے خط میں گورنر سندھ نے وفاق ایوان ہائے صنعت و تجارت پاکستان کے صدر کو اعزازی وزیرِ مملکت مقرر کرنے کی تجویز دی ہے۔

گورنرسندھ کامران ٹیسوری نے اپنے خط میں کہا ہے کہ کئی ممالک میں بزنس کمیونٹی کے سربراہان کو وزیر کی حیثیت دی جاتی ہے۔

خط میں ان کا کہنا ہے کہ اس اقدام سے تجارتی پالیسیوں میں بزنس کمیونٹی کی بھرپور شرکت یقینی ہو گی، بزنس کمیونٹی کے اعتماد میں اضافہ ہو گا۔

گورنر سندھ کا وزیرِ اعظم کو لکھے گئے خط میں کہنا ہے کہ اس قدام سے بزنس کمیونٹی اور حکومت کے درمیان ناصرف خلیج دور ہو گی، بلکہ حکومت کے کاروبار دوست ہونے کو تقویت حاصل ہو گی۔

ان کا اپنے خط میں یہ بھی کہنا ہے کہ حکومت کے اس تجویز پر عمل کرنے سے بزنس سرگرمیاں بھی تیز ہوں گی اور کاروباری برادری خود اعتمادی سے کام کرے گی۔

سندھ کے گورنر کامران ٹیسوری نے وزیرِ اعظم شہباز شریف کو لکھے گئے خط میں کہا ہے کہ میری درخواست پر غور کیا جائے۔



Leave a Reply

Your email address will not be published.