صوبائی وزیر تعلیم سید سردار علی شاہ کے احکامات پر سرکاری اسکولوں کے طلبہ کو مفت درسی کتب کی عدم فراہمی اور تاخیر پر تعلقہ ایجوکیشن افسر حیدرآباد سٹی امداد علی گوپانگ کو معطل کردیا گیا ہے۔
بتایا جاتا ہے کہ درسی کتب کی بڑی تعداد ان کے دفتر میں پائی گئی اور تقسیم نہیں کی گئی۔
ان کی معطلی کا نوٹیفکیشن سکریٹری اسکول ایجوکیشن غلام اکبر لغاری نے جاری کر دیا ہے۔
ادھر معلوم ہوا ہے کہ کراچی میں سابق ڈائریکٹر اسکول شاہد زمان کے خلاف بھی کراچی کے اسکولوں میں فرنیچر فراہم نہ کیے جانے کی تحقیقات شروع کردی گئی ہے۔