[ad_1]
ڈیرہ غازی خان کی انسداد دہشتگردی کی خصوصی عدالت نے دہشتگردی کے مقدمے میں دو ملزمان کے شناختی کارڈ بلاک کرنے اور نام ای سی ایل میں ڈالنے کے کیس میں وفاقی وزیر داخلہ رانا ثناء اللّٰہ کو شوکاز نوٹس جاری کردیا۔
عدالت نے مقدمے میں وفاقی سیکریٹری داخلہ، چیئرمین نادرا اور ڈی جی امیگریشن اینڈ پاسپورٹ کو بھی نوٹس جاری کردیا۔ عدالت نے تمام حکام کو پیر 24 اکتوبر کو ذاتی حیثیت میں طلب کیا ہے۔
نوٹس کے متن میں کہا گیا ہے کہ عدالت نے تھانہ گدائی کے زیرسماعت مقدمے میں ملزم کا نام ای سی ایل میں ڈالنے اور ان کا شناختی کارڈ بلاک کرنے کا حکم دیا تھا۔
وفاقی وزیر داخلہ اور سیکرٹری داخلہ نے فرائض میں غفلت برتی، عدالتی حکم پر عمل درآمد نہیں کیا گیا۔
نوٹس کے مطابق چیئرمین نادرا اور ڈی جی امیگریشن اینڈ پاسپورٹ نے بھی عدالتی حکم کی پاسداری نہیں کی ہے۔
[ad_2]