متحدہ قومی موومنٹ کے مقتول رہنما ڈاکٹر عمران فاروق کی اہلیہ شمائلہ عمران نے پارٹی سے شکوہ کرتے ہوئے کہا ہے کہ متحدہ نے ان کے شوہر کو بھلا دیا ہے۔

 متحدہ کے شریک بانی ڈاکٹر عمران فاروق کی 12ویں برسی پر شمائلہ عمران نے ٹوئٹ کرتے ہوئے کہا کہ یا رب میرے لیے ایسا دروازہ کھول دے جس کی وسعت مجھےحیران کر دے۔

شمائلہ عمران  نے کہا کہ کینسر کی مریضہ ہوں، دو بیٹوں کے ساتھ ایک کمرے کے فلیٹ میں رہنے پر مجبور ہوں، کہاں ہیں ایم کیو ایم والے جو شہدا کی فیملی کو بھول گئے ہیں۔

عمران فاروق کی اہلیہ نے کہا کہ سب سے بڑی تلخ حقیقت اپنوں کی جدائی ہے، کاش ایم کیو ایم والے یہ سمجھ جائیں۔

ایم کیو ایم لندن کا کہنا ہے کہ مالی مشکلات سے قبل برسوں تک شمائلہ عمران کی مدد کی۔



Leave a Reply

Your email address will not be published. Required fields are marked *