[ad_1]
سندھ کے ضلع مٹیاری اور سجاول کے گاؤں سیلابی پانی میں ڈوب گئے ہیں۔
ڈپٹی کمشنر مٹیاری کے مطابق مٹیاری میں واقع چھنڈن موری نہر میں شگاف پڑ گیا، جس کے بعد پانی قریبی گاؤں میں داخل ہو گیا۔
انہوں نے بتایا ہے کہ کرین اور مقامی افراد کی مدد سے نہر کے شگاف کو پُر کرنے کی کوشش کر رہے ہیں۔
ڈپٹی کمشنر مٹیاری کا مزید کہنا ہے کہ روہڑی کینال سے چھنڈن موری نہر کا گیٹ ٹوٹ گیا ہے جس سے پانی کے بہاؤ میں اضافہ ہوا ہے۔
ان کا یہ بھی کہنا ہے کہ 4 سے زائد مقامات پر نہر اوور فلُو ہو رہی ہے، وہاں بھی لوگ بند باندھ رہے ہیں۔
ایس ایس پی مٹیاری سمیت مقامی لوگ بڑی تعداد میں نہر میں شگاف پڑنے کے مقام پر پہنچ گئے جو شگاف پُر کرنے کی کوششوں میں مصروف ہیں۔
کئی دیہات کے مکین اپنے گھروں کی چھتوں پر پناہ لیے ہوئے اور امداد کے منتظر ہیں۔
دوسری جانب دریائے سندھ میں سجاول کے مقام پر پانی کی سطح مسلسل بلند ہو رہی ہے۔
سجاول میں کچے کے علاقے میں آباد لوگوں نے پانی بھر جانے کی وجہ سے اپنے گاؤں خالی کر دیے ہیں۔
کچے کے علاقے میں کیلے کے باغات اور سبزی کے کھیت بھی پانی میں ڈوب گئے، جس سے فصل کو نقصان پہنچنے کا خدشہ لاحق ہو گیا ہے۔
[ad_2]