فائرنگ سے زخمی ہونے والے پی ٹی آئی کے ایم پی اے ملک لیاقت—فائل فوٹو

پاکستان تحریکِ انصاف (پی ٹی آئی) کے رکنِ خیبر پختون خوا اسمبلی ملک لیاقت پر فائرنگ کرنے والے حملہ آوروں کی تلاش کے لیے لوئر دیر کے مختلف مقامات پر سرچ آپریشن کیا جا رہا ہے۔

ڈپٹی کمشنر کا کہنا ہے کہ ابتدائی معلومات کے مطابق ملک لیاقت کی کسی سے کوئی دشمنی نہیں ہے۔

واضح رہے کہ پاکستان تحریکِ انصاف (پی ٹی آئی) کے رکنِ صوبائی اسمبلی ملک لیاقت قاتلانہ حملے میں شدید زخمی ہوئے تھے، لوئردیر میں نامعلوم افراد نے انہیں فائرنگ کا نشانہ بنایا تھا۔

پولیس نے بتایا ہے کہ فائرنگ کے واقعے میں دیگر 4 افراد جاں بحق ہوئے تھے۔

پولیس کے مطابق فائرنگ کے واقعے میں جاں بحق ہونے والوں میں ایم پی اے ملک لیاقت کا بھائی، بھتیجا، پولیس اہلکار اور لیویز اہلکار شامل ہیں۔



Leave a Reply

Your email address will not be published.